BB: 2013

2013年12月21日星期六

給B哥的信

冬至, 係大多數人來講只係一種傳統節日, 但由二年前嘅今天開始, 這天就成了我家的紀念日. 二年前的今天, 你由一個陌生人抱走之後, 我家也再沒有你的影子出現, 換來的只有一個細小瓷樽, 裡面存放着你的一切.

時間過得真係好快好快, 你離開我家去了彩虹橋之後, 唔知你現時生活如何呢? 有無地方住呢? 食咗飯未呀? 而家天氣好凍, 你有無凍襯呀? 以前你好鍾意我抱住你瞓, 而家無人抱, 你瞓唔瞓得好呀? 有無識到新朋友呢? 以前一向高傲嘅你, 對任何同類都不願理睬 (除了靚女呢!) 希望你係彩虹橋可以識到新朋友啦! 其實到現在, 每晩我都會對住你張相, 同你講同一樣嘅說話, 如果比你婆婆知道, 佢一定以為我痴咗線呢!

好希望你可以知道, 我到現在都好掛住你, 好想知到你嘅近況, 好想再同你說話,好想再嗅到你嘅味道! 好想再望到你;當你望見唔滿意嘅食物時 E牙個樣. 好想再望到你;當你做錯事時眼神出現無辜嘅樣. 好想再抱住你同你玩, 好想, 好想, 好多好多好想……最想的就係你從來沒有離我哋! 雖然呢個係奢望, 但係我哋也會永遠永遠咁愛你同掛住你!

2013年9月21日星期六

好煩呀! 搬完一樣又一樣

繼搬完Yahoo Blog 之後, 又要煩搬屋,好煩呀!

終於要同用了十五年的屋講再會.

想當年因為一時興起, 在大陸買咗我第一間物業, 就是因為價格不是太貴, 所以沒有想太多就付錢,

當時考慮到因要經常到大陸工作, 以為有間渡假屋都可以休息一下. 也能樣兩老有一個可以吃喝玩樂的地方,樣他們可以種種花, 種種果.

一心想, 呢間渡假屋可以一直用到自己退休, 到時就好似人哋咁, 住洋屋, 養蕃狗.

但大陸此終都係大陸, 最初十年, 環境, 保安同屋苑內, 人的質數都唔錯, 一律都係斯文有禮的鄰居. 後來幾年, 因為很鄰居都相繼搬走, 又搬入一些文化不同的人, 引致屋苑內的氣氛大大不同. 對於我嚟講比較難以同化一起, 所以決定搬走了.

雖然說是渡假屋, 十五年內都總有不少可以留作記念的東西要帶回香港, 真係有啲煩, 就在上星期終於都攪掂晒.

雖然不捨但總要說聲拜拜!

2013年9月2日星期一

B哥十六歲冥壽

本來九月是B哥生日月, 雖然是十六歲的冥壽, 但在我嚟講都係一個值得記念的日子, 但竟然就係呢個時刻 Yahoo Blog 要宣布關門. 即時把我的心由天堂跌到地獄. 自從B哥離開之後, 我好不容易才找到一些朋友可以暢談狗狗經, 同各位笑說一下自己毛小孩的曳曳事, 不論大事, 小事, 開心事, 不開心事, 我們都談論一翻. 就在這不知不覺間, 我就把各位都當成朋友 (可能是我一廂情願), 如果, 因為 Yahoo Blog的關門而引至同各位朋友各散東西, 我真的覺得不值同不甘心. 我好希望可以同一班Blog 友繼續未了情緣, 所以, 我呢個電腦白痴只有不斷地去留意各個Blog 友的動向, 希望可以跟隨着. 好希望各位Blog 友如有搬遷下落就請留下新網址, 希望可以有緣再聚.