B哥移居彩虹橋的第三個冬至記念日! 祝BB 冬至快樂!
2014年11月30日星期日
長洲一日吃喝遊
今日難得假期又巧遇好友慶生, 所以幾個傻人走入長洲游蕩一翻, 實行吃喝玩樂! Go Go Go!
雖然今天天陰, 但無落雨, 又有風, 所以我哋都行得好爽呀!
一入到大街第一件事就係食大大粒魚蛋
好大枝棉花糖呀!
每次我到長洲都會去一家由日本人開的小吃店食手卷和紅豆餅, 因為掛住食唔記得影紅豆餅添, 不過個紅豆餅係我大力推介的!
我哋都會扮吓浪漫, 坐吓沙灘吹吹風咁啦!
唔知呢樣黑麻麻嘅嘢, 有幾多人知佢係乜呢........... 佢叫鷄屎果, 見個名咁你又會唔會食呢?
女人行街都不免睇吓手工藝品嘅!
跟住係鄰舖又發現啲好得意嘅小吃, 不過一定要新鮮食, 唔係就會淋晒咖!
呢間係玉虛宮, 係長洲居民最敬重的神明之一
路過一家話係自家製的雪榚店,一定要試下啦! 味道都唔錯, 我like!
食完雪榚, 又發現甜品店, 又入去食食食, 芒果糯米滋, 塊芒果都好大舊!
跟住, 無無聊聊咁又去行下張保仔洞.
行完山洞, 出返大街, 又話要試下第二間的大大粒魚蛋
食完魚蛋就去食晩飯, 食完晩飯後本想食糖水咖, 不過想去的那間收了舖, 唯有回程返屋企啦!
今日的HEA 遊長洲, 雖然攰啲, 但好開心呢! 下次再去其他地方!
2014年8月8日星期五
2014年4月20日星期日
沖繩第五天
天晴 (間中有雨)
今日係最後一天留在沖繩, 但竟然係咁多日以來叫做最好天的一天.
食完早餐之後, 行程就只有shopping 和乘搭單軌火車, 之後就乘飛機回港.
Shopping 的目的地係那霸市的吉之島. 因為, 媽媽, 家姐同亞姨都係家庭主婦, 所以在商場行完一個圈之後, 我哋嘅目標係超市! 轉眼間又買了三車食品, 由於買得太多, 帶來的匧已裝不下了, 所以我哋要在商場買多一個匧才能把所有戰利品帶回香港! 嘻嘻! 好誇張呢!
我哋先把東西放好後, 然後再回到超市買一些便當作午餐! 個便當好新鮮, 好好味呢!
我哋重買了燴蕃薯做甜品.
午餐後, 行程就係乘單軌火車去機場, 呢輛火車係那霸市唯一, 一種火車, 全長總共只有十五個車站, 由那霸空港(機場)去首里, 所以最遠只能去到島的中央. 因此沖繩的交通不算太方便! 除了單軌火車之外, 尚有公共巴士, 但班次不會太密. 如果要自由行去沖繩,, 就要睇清楚公車班次, 去編排行程啦! 但都可以有另類選擇, 係自駕遊. 當地的交通方向跟香港一樣, 左上右落, 一樣係右軚車. 在網上看到租車都很方便, 一出機場, 就可以有人帶你去取車, 沖繩的主要公路幹線又只得一條, 重有GPS導航, 所以自駕遊應該都係一個不錯的選擇!
香港我哋返嚟啦!
下次有機會, 會再去過!
2014年4月13日星期日
沖繩第四天
沖繩第四天
昨晚一入住呢間酒店時, 都有嘩嘩聲! 因為每一個房間都能望到海, 係一間不錯的酒店.
今天的天氣真的不好, 過去幾天都有一段時間, 不用打傘可以自由行, 但今天由早落到晚重好大雨添!
早餐後! 行程開始!
第一站, 坐玻璃船睇海底珊瑚. 行程半小時, 由於船隻不大, 所以我哋全團人要分開出發, 而未能上船的團友要留在沙灘上等候, 本來等半小時不是個問題, 而是落大雨, 我們只好在碼頭有蓋地方等候., 真係浪費咗咁美麗嘅沙灘!
第二站, 去生果園, 雖然是生果園, 但生果種類不多, 主要是菠蘿,其餘不同品種生果(約十種八種生果), 都係一啲普通品種如楊桃, 碌柚等等...又都因不是生果成熟的時候, 所以都無嘢睇.
果園的另一邊係蝴蝶園和動物園, 但都只見一種蝴蝶,鸚鵡,蝙蝠, 也有一對白羊, 羊媽媽重大肚呢, !
第三站, 海洋博公園, 呢個地方, 給我的感覺係同香港海洋公園差不多.
不過! 呢到個環境就好靚, 面對住個大海一望無際! 就算大雨都忍不住要出去影啲相!
第四站, 萬座毛, 係睇一座看似大象的石頭, 但因為太大雨我們只是忽忽跑出車, 然後影完相之後又忽忽上車.
今天可能因為太大雨, 所以好快就回到酒店, 我哋休息一回就可以去食晚餐, 所以我哋決定食晚餐後就去推油按摩一下, 按走晒呢幾天的疲倦!
因為明天要走, 所以按摩完就要好好地收拾一下行李啦!
最後一天...待續...
訂閱：
留言 (Atom)