沖繩遊 - 第二天
雨天
經過一晚甜睡後, 今天我哋可以精神奕奕咁去迎接新行程. 旅行團安排自助早餐給各團友由早上6:30-8:00,早餐都尚算OK.
好! 開始第二天的行程.
第一站去海鹽工場, 沖繩最出名的係天然生晒海鹽,
佢哋係用柴來加熱, 令到海鹽產生出來. 海鹽可以造出好多不同產品, 如海鹽糖, 海鹽雪榚, 煮食用海鹽, 沐浴用海鹽等等...
地方不大, 參考完重有海鹽雪榚食, 個雪榚都好滑, 第一口就覺得有小小咸, 但食落就覺得奶味多過咸味啦!
第二站, 去美軍基地,
呢個就有啲失望啦, 我哋只可以在老遠地方望向基地,
差啲要用望遠鏡添, 重要加上落緊好大雨, 所以重有的掃興.
第三站
係食午餐, 我哋今次午餐會分開兩次食, 第一輪係食即場生切原條金鎗魚生. 大家睇吓條魚幾大條!
師傅好有心機幫我哋把全條金鎗魚, 一片一片咁切好同分給各團友食, 我家四人共食咗三大碟, 不過我哋顧住食唔記得影相比大家睇! 嘻嘻! 但都睇到條魚係好新鮮呢!
我哋重自費買咗鮮炸的蝦天婦羅(隻蝦重有筷子咁長)和炸蕃薯! 好得呀!
我哋食完魚生之後, 就入咗去市場內行吓, 市場內有好多新鮮的海鮮和小食. 如果係自己去的話, 可以去呢處食, 又平又靚!
跟住我哋就去食第二輪午餐, 係食有機食物, 都係自助餐形式, 但啲菜色無特別驚喜!
第四站
午餐後就出發去波上神宫, 呢個神宫即係等於我哋嘅廟宇, 裡面可以求神保佑, 平安, 健康, 姻緣, 學業, 事業等等...
在波上神宫旁就係孔子廟, 原來日本人都拜孔子喎! 中國文化真係無孔不入. 不過去到, 孔子失蹤了, 原因孔子像要去維修, 所以我哋緣慳一面啦! 但尚有其他供奉的神像, 分別係代表天, 地, 海的神明!
參觀完各廟宇之後, 就係去第五站, Outlet shopping,
go go go 可以買嘢啦! 剛巧 Outlet 區內有好多店舖大減價. 正! 個個都大出血呢!
因為我大頭蝦, 出發的時候忘記幫媽媽帶手杖,
所以我立即補獲, 就在Outlet 附近的百貨公司買了一條超值的手杖, 價值 ￥105 (= HK$7). 係咪好底呢! 一連好幾個行程, 媽媽有啲倦, 手杖可以幫佢休息吓! 嘻嘻!
第六站,
晚餐時間到, 我哋就去咗食地道的琉球日本火鍋料理! 我哋還加了一條魚生船和毛蟹. 正!! 我重第一次見到手掌咁大嘅新鮮鮑魚呢!
晚飯後就回酒店休息同交工課比各朋友欣賞一啲片段!
尚有三天行程, 請待續!
