冬至, 係大多數人來講只係一種傳統節日, 但由二年前嘅今天開始, 這天就成了我家的紀念日. 二年前的今天, 你由一個陌生人抱走之後, 我家也再沒有你的影子出現, 換來的只有一個細小瓷樽, 裡面存放着你的一切.
時間過得真係好快好快, 你離開我家去了彩虹橋之後, 唔知你現時生活如何呢? 有無地方住呢? 食咗飯未呀? 而家天氣好凍, 你有無凍襯呀? 以前你好鍾意我抱住你瞓, 而家無人抱, 你瞓唔瞓得好呀? 有無識到新朋友呢? 以前一向高傲嘅你, 對任何同類都不願理睬 (除了靚女呢!) 希望你係彩虹橋可以識到新朋友啦! 其實到現在, 每晩我都會對住你張相, 同你講同一樣嘅說話, 如果比你婆婆知道, 佢一定以為我痴咗線呢!
好希望你可以知道, 我到現在都好掛住你, 好想知到你嘅近況, 好想再同你說話,好想再嗅到你嘅味道! 好想再望到你;當你望見唔滿意嘅食物時 E牙個樣. 好想再望到你;當你做錯事時眼神出現無辜嘅樣. 好想再抱住你同你玩, 好想, 好想, 好多好多好想……最想的就係你從來沒有離我哋! 雖然呢個係奢望, 但係我哋也會永遠永遠咁愛你同掛住你! 
B Gor E家一定過得好好唔使擔心！有你永遠懷念佢佢一定feel到好多愛！
回覆刪除嗯! 我都希望佢可以Feel 到同過得好!
刪除你比我好，相信有彩虹橋，ｂ哥一定喺彩虹橋好開心．
回覆刪除但我從不信有彩虹橋，有天國，我信煙消雲散，我的小狗早已走遠．．．
人家總是安慰，牠們在你心中呢，嗯，在心中，還壓得很重．
無錯, 壓得很重, 係因為我哋重愛牠們! 你還好尚有吉吉可以陪伴!
刪除臭吉係一隻無欲無求，冇鬥心0既狗，希望第日佢走嗰陣會蕭洒啲，希望我冇睇錯．
刪除毛小孩永遠都會係最瀟灑的, 唔瀟灑的只是我哋啲大人! (T T) 所以我哋要學懂放下! 我重學緊呢!
刪除"放下" 呢家嘢，確係好難學架，我都係學緊 ^ ^
刪除石頭媽, 我哋都一齊學習啦! 我好羨慕你住村屋呀! 都可以再養多隻呢!
刪除好明白你既心情，我一想起呢d 野我就喊！我覺得你地已經好叻好叻！能夠面對到，雖然非常掛念但只可埋藏心裡，因為生老病死係任何動物包括人類都要面對，無法控制！
回覆刪除雖然知道呢啲係無法控制, 但人總係想貪心啲, 想佢哋可以活得久啲! .
刪除明白你的心情,,,,我唔敢諗呀!
回覆刪除我都盡量叫自己唔去諗太多, 但總覺家裏每一個角落都重有B哥嘅痕跡! he he ....好傻呀!
刪除我諗我比你更儍....
刪除小白媽你不用過早擔心呢! 小白有排玩呢!
刪除真的我控制不了...亦放不下!!!!!
刪除認同! 我們都無法把牠們放下, 因牠們都曾經與我們相愛過, 一起生活過, 一起歡笑過, 一起哭過! 相信牠們都只想我們笑着而活, 不想看到我們活在傷痛中! 我們可以偶爾寫編文章懷念一下牠們, 好似牠們永遠都與我們同在! 我們一起努力, 加油吧!
刪除我只有在 blog 內舒發心情,,,真不敢對識的人訴說....怕他們的眼光呢!!!
刪除Ｂ哥是否安放在家中?
刪除B Gor現在開心快活了!
回覆刪除嗯! 希望佢可以識到新朋友啦!
刪除Happy New Year！
回覆刪除Happy New Year 小白!
刪除睇完 B 姐姐對 B 哥嘅心情剖白 , 深深比你嘅深情感動 , 亦明白相思之痛 , 我相信 B 哥一定知道你對佢嘅呢份愛係從來都無離開過 , B 姐姐一定要堅強地生活 , 咁就係對 B 哥嘅心意 , 踏入2014年希望 B 姐姐開心過每一天 , 珍惜身邊人 , 平常心面對各種事 , 最緊要身體健康呢~!!
回覆刪除多謝圓咕碌! 可能B哥生前太痴我, 所以總是會捨不得. 其實我OK o架! 每天我都在學習緊放開, 只是需要多一點時間,
刪除我都嘗試過2次失去狗狗的感覺, 心痛得不能平伏...... 直至現在的Moecca出現! 你有沒有再養番狗狗呀?
回覆刪除無呀! 因為我住的大廈不可以養寵物, 所以暫時只能見住Blog 友啲仔仔女女止住先. 但我好希望可以再養!
刪除