第六年了.... 我仍然掛念你

第六年了.... 你過得好嗎?
我以為六年後的我唔會再哭, 但當我重看你的相片和舊Blog 時還是忍唔住! 我知仍然好掛住你! 你好嗎?

第五年了

第五年了, 你好耐都無返嚟探我啦! 你一定掛住四維去玩啦! 今年Bow 爺, 石頭仔和美麗都相繼移民了去彩虹橋呀! 你又可以多幾個新朋友仔可以陪你玩啦! 記住呀! 你一有時間就要返嚟探吓我呀! 得閒入去我夢同我玩吓啦! 唔好要我成日掛住你呀!

無見你四年啦!

無見你四年啦! 近況如何? 識到幾多新朋友呀? 只要你開心就好了! 但我仲係好掛住你呀!

用冬至去記念!

B哥移居彩虹橋的第三個冬至記念日!  祝BB 冬至快樂!

給B哥的信

冬至, 係大多數人來講只係一種傳統節日, 但由二年前嘅今天開始, 這天就成了我家的紀念日. 二年前的今天, 你由一個陌生人抱走之後, 我家也再沒有你的影子出現, 換來的只有一個細小瓷樽, 裡面存放着你的一切.

時間過得真係好快好快, 你離開我家去了彩虹橋之後, 唔知你現時生活如何呢? 有無地方住呢? 食咗飯未呀? 而家天氣好凍, 你有無凍襯呀? 以前你好鍾意我抱住你瞓, 而家無人抱, 你瞓唔瞓得好呀? 有無識到新朋友呢? 以前一向高傲嘅你, 對任何同類都不願理睬 (除了靚女呢!) 希望你係彩虹橋可以識到新朋友啦! 其實到現在, 每晩我都會對住你張相, 同你講同一樣嘅說話, 如果比你婆婆知道, 佢一定以為我痴咗線呢!

好希望你可以知道, 我到現在都好掛住你, 好想知到你嘅近況, 好想再同你說話,好想再嗅到你嘅味道! 好想再望到你;當你望見唔滿意嘅食物時 E牙個樣. 好想再望到你;當你做錯事時眼神出現無辜嘅樣. 好想再抱住你同你玩, 好想, 好想, 好多好多好想……最想的就係你從來沒有離我哋! 雖然呢個係奢望, 但係我哋也會永遠永遠咁愛你同掛住你! 

B哥十六歲冥壽

本來九月是B哥生日月, 雖然是十六歲的冥壽, 但在我嚟講都係一個值得記念的日子, 但竟然就係呢個時刻 Yahoo Blog 要宣布關門. 即時把我的心由天堂跌到地獄. 自從B哥離開之後, 我好不容易才找到一些朋友可以暢談狗狗經, 同各位笑說一下自己毛小孩的曳曳事, 不論大事, 小事, 開心事, 不開心事, 我們都談論一翻. 就在這不知不覺間, 我就把各位都當成朋友 (可能是我一廂情願), 如果, 因為 Yahoo Blog的關門而引至同各位朋友各散東西, 我真的覺得不值同不甘心. 我好希望可以同一班Blog 友繼續未了情緣, 所以, 我呢個電腦白痴只有不斷地去留意各個Blog 友的動向, 希望可以跟隨着. 好希望各位Blog 友如有搬遷下落就請留下新網址, 希望可以有緣再聚.

 

 

B哥十六歲冥壽

本來九月是B哥生日月, 雖然是十六歲的冥壽, 但在我嚟講都係一個值得記念的日子, 但竟然就係呢個時刻 Yahoo Blog 要宣布關門. 即時把我的心由天堂跌到地獄. 自從B哥離開之後, 我好不容易才找到一些朋友可以暢談狗狗經, 同各位笑說一下自己毛小孩的曳曳事, 不論大事, 小事, 開心事, 不開心事, 我們都談論一翻. 就在這不知不覺間, 我就把各位都當成朋友 (可能是我一廂情願), 如果, 因為 Yahoo Blog的關門而引至同各位朋友各散東西, 我真的覺得不值同不甘心. 我好希望可以同一班Blog 友繼續未了情緣, 所以, 我呢個電腦白痴只有不斷地去留意各個Blog 友的動向, 希望可以跟隨着. 好希望各位Blog 友如有搬遷下落就請留下新網址, 希望可以有緣再聚.

 

回應 (3)  引用 (0)  永久連結

 

Bow爺 | 2013年9月7日下午8:57 |
          寫得十篇就要搬 ! ! ! 繼續努力呀 ! 仲有十幾年嘅 B 哥往事慢慢講 ,
          Bow 爺樂意聽
          回覆

          BB | 2013年9月7日下午10:44 |

                     多謝! 我會努力呀! Bow 爺同羊妹都要加油呀!

 

  芽丫皇子 | 2013年9月4日上午12:55 |

           祝福B哥生日快樂，無論在那個時空都一樣日日開心快樂呀!

           回覆 

            BB | 2013年9月4日下午9:26 |

                     多謝芽丫小皇子, 你搬咗新屋未呀! 我哋等緊你呀!

 

  小月一半 | 2013年9月2日下午11:37 |

             我0既blog按咗打包備份，進入維讀模式，冰封＝　＝”

             搬家都要時間，facebook 見住先．

             顯示全部回覆 共4則 

              BB | 013年9月2日下午11:47 |

                        我都開咗blogger但尚未完全完成, 整好再通知你!

             小月一半 | 2013年9月2日下午11:49 |

                        嗯嗯^^ 

             小月一半 | 2013年9月2日下午11:54 |

                        你想要返YAHOO啲網誌，可以逐頁COPY過去，你啲網按編輯，

                        揀選html模式，就可以COPY同貼喺blogger到．老虎只會幫你搬去

                        Xunite.

             BB | 2013年9月3日上午1:53 |

                        吓! 咁要自己搬先得, 唔好靠佢, 但如果要跟返月份又可唔可以. ,

                        咁blog 友啲 message 又可唔可以一齊搬? 

 

瞓覺編 ~ 掩咀

剛才返看B哥啲舊相, 想同啲 Blog 友分享吓, 因為同B哥影啲相唔係咁多, 所以要分開給大家看.

有些牠瞓覺啲相我覺得幾得意, 看看是否有其他的毛小孩如牠的睡姿?

 

 

 
真係唔知點解, 佢一瞓覺就要用對手掩住個咀, 如果唔係就好似瞓唔着咁.

 

回應 (6)  引用 (0)  永久連結

___________________________________________________________

 

 Bow爺 | 2013年9月7日下午8:54 |

             呀) ) ) 我B哥都有雙手冊掩面果款衰相 ! 我地真係相逢恨晚呀
             回覆
          BB | 2013年9月7日下午11:24 |

                          佢哋係老表嚟, 所以同樣係古怪一族!

 

大良八記 | 2013年7月18日下午9:08 |

HI, 你隻狗好得意，看不清楚，是史納莎還是PUDO?
                顯示全部回覆 共8則
               BB | 2013年7月18日下午9:45 |

                              多謝! 佢係Wire Fox Terrier (鋼毛獵狐爹利), 你可以看我之前 Post "禾係B
                               哥"有啲佢小時的相.      

              大良八記 | 2013年7月18日下午10:36 |
                              

                 大良八記 | 2013年8月8日下午11:29 |
                              我今日睇書見到呢種狗！真係好靚！ 

                   BB | 2013年8月8日下午11:58 |

                       多謝呀! 不過有時都覺得佢好有性格, 如果有唔鍾意佢會唔彩我哋行咗去! 會
                               比佢激C!
                  大良八記 | 2013年8月9日下午1:43 |

                       係呀，本書話佢最叻捉孤狸，所以叫呢個名。都有講佢地既性格比較有個
                               性…哈！

              BB | 2013年8月10日上午11:03 |

                              B哥話, 禾係識食, 唔係揀飲擇食! 禾係有個性, 唔係人人叫禾都會應! 禾係聰
                              明, 但唔係傳聞懶惰精!

              大良八記 | 2013年8月10日下午12:15 |

                       淘氣小狗！   
                  BB | 2013年8月10日下午10:23 |
                      

  小月一半 | 2013年6月29日上午12:18 |
              我好鐘意望住佢哋瞓ga，好幸福．
              顯示全部回覆 共4則
               BB | 2013年7月7日下午1:45 |

                           我都係呀! 不過如果我在家B 哥會要我抱住瞓, 因為佢唔鍾意我玩電腦唔理佢!
              小月一半 | 2013年7月7日下午3:29 |
                           以前我隻西施自細養大，十七年啦，所以好懂性，佢會自己上床先，跟住呱呱
                           叫，要你同佢瞓，臭吉就唔識。

              BB | 2013年7月7日下午9:36 |

                           夜晚瞓覺時佢就會自己上床, 但如果我玩得太夜, 而上床時又嘈醒佢, 佢就會不
                           停咁鬧我囉!話我好嘈醒佢呀!        

               小月一半 | 2013年7月7日下午10:17 |

                            叻叻喎^^狗狗真係好得意。

圓咕碌 | 2013年6月18日下午11:32 |

              B哥真係瞓得好特別 , 我仲以為佢怕咗陽光...............用雙手掩住對眼添~!!

             回覆
              BB | 2013年6月26日上午12:31 }

                          佢媽咪就話佢怕光, 但係我房落咗窗簾佢都會掩, 所以我覺得佢係習慣!

  Mui Be | 2013年6月18日上午10:02 |

              BB 哥訓得好斯文呀,, 我家兩個女訓得好粗暴咖
             回覆

              BB | 2013年6月26日上午12:36 |

                    HEHE... 唔好比呢幾張影響呀, 佢都有啲好豪放 'o架'!

  乖乖 | 2013年6月17日下午9:56 |

              佢怕發開口夢俾你知佢D秘密所以要用對手掩住個咀呀！
              回覆
               BB |2013年6月26日上午12:38 |

                    嗯! 你典知'o架' 佢真係成日發開口夢, 一出完街玩成日佢通常都會發夢 'o架'!

 芽丫皇子 | 2013年6月16日上午12:54 |

            本皇子就喜歡露哨牙多啲 !
            回覆
            BB |2013年6月26日上午12:43 |

                   小皇子, 你排牙好真貴'o架', 要當金洗呀! 成日露牙唔怕蝕晒!