沖繩第四天
昨晚一入住呢間酒店時, 都有嘩嘩聲! 因為每一個房間都能望到海, 係一間不錯的酒店.
今天的天氣真的不好, 過去幾天都有一段時間, 不用打傘可以自由行, 但今天由早落到晚重好大雨添!
早餐後! 行程開始!
第一站, 坐玻璃船睇海底珊瑚. 行程半小時, 由於船隻不大, 所以我哋全團人要分開出發, 而未能上船的團友要留在沙灘上等候, 本來等半小時不是個問題, 而是落大雨, 我們只好在碼頭有蓋地方等候., 真係浪費咗咁美麗嘅沙灘!
第二站, 去生果園, 雖然是生果園, 但生果種類不多, 主要是菠蘿,其餘不同品種生果(約十種八種生果), 都係一啲普通品種如楊桃, 碌柚等等...又都因不是生果成熟的時候, 所以都無嘢睇.
果園的另一邊係蝴蝶園和動物園, 但都只見一種蝴蝶,鸚鵡,蝙蝠, 也有一對白羊, 羊媽媽重大肚呢, !
第三站, 海洋博公園, 呢個地方, 給我的感覺係同香港海洋公園差不多.
不過! 呢到個環境就好靚, 面對住個大海一望無際! 就算大雨都忍不住要出去影啲相!
第四站, 萬座毛, 係睇一座看似大象的石頭, 但因為太大雨我們只是忽忽跑出車, 然後影完相之後又忽忽上車.
今天可能因為太大雨, 所以好快就回到酒店, 我哋休息一回就可以去食晚餐, 所以我哋決定食晚餐後就去推油按摩一下, 按走晒呢幾天的疲倦!
因為明天要走, 所以按摩完就要好好地收拾一下行李啦!
最後一天...待續...
