去完旅行返到香港就病了幾天, 現在才啲起心肝出Blog, 希望唔太遲呢!
沖繩第一天 (三月一日, 天晴)
早上八時許在香港機場集合, 飛機大約在十一時許起飛。到達沖繩機埸約下午二時許, 咁開心去玩, 當然唔少得帶埋(Happy dog 奶茶)一齊去玩, 嘻嘻! 一落機第一眼就見到久違了的藍天白雲。
上車後就開始我哋第一個行程, 第一個景點係首里城, 首里城係國王及皇室成員的住所，也是首里王國的行政中心。 係當時琉球王國的首都城標誌, 約有500年歷史, 首里城係建築在小山丘上, 第一眼見到的係"守禮門" 。
一入城門就發現有好多提字的石碑, 而呢啲石碑係清朝皇帝及其他官員所提及送贈。
王城嘅建築風格近似中國古代的大宅。雖然係叫王城但佔地不是很大, 而室內的裝潢是採用和式設計。也有當時的龍椅同議政大廳。由於係王城所以, 也不少得有戰壕用作防禦。都算係值得大家欣賞的地方。(由於大宅內部有好多地方係不準影相, 所以有些照片係偷影的) 。(^皿^)!!
而在"守禮門" 旁的石門及樹叢稱為"武御嶽"，被當成祭壇使用。當國王外出時，會停步於石門前，祈禱一路平安。
第二站, 係晚餐時間, 琉球的飲食文化係有別於一般日本本土, 琉球比較喜歡食熟食, 我覺得有啲似中國的飲食文化。第一餐, 有牛肉火鍋, 炸物, 海鮮, 兩個冷盆, 其中一款值得一試, 係當地的苦瓜, 我覺得非常好味, 一啲都唔苦。 (^0^)b 原來琉球出名的生果係波蘿, 因為, 我對波蘿敏感所以無福消受, 不過家人就超讚!
晚飯後就去到第一家酒店, 酒店的環境都很好, 好清潔, 但原來日本大部份的酒店房間係無WIFI, 只有酒店大堂才可以用. 所以頭兩晚只能在大堂才能上網.
總括來講第一天行程都算OK!
如有興趣其他行程...請待續.... (^皿^)!!
