沖繩遊-第三天

沖繩遊-第三天

天陰有雨

天都尚未光就收到份好刺激的禮物, 正當我重瞓緊覺嘅時候, 突然感覺到床在搖動, 曾開眼時已發覺全屋都在搖晃, 還聽到外面有 Wee Wee 聲, 當我意識到正在地震時, 震盪已開始慢慢減去, 全屋都已回復正常. 震盪歷時只有2-4秒. 哦! 地震原來係咁的! 
我立即起床睇吓周圍環境, 房內沒有太大變動, 只是所有櫃門, 櫃筒門都打開了, 連裝有夾萬的櫃筒都打開了, 從窗外面看又無任何變動. 又再聽到雀仔開始高歌, 應該地震完了.  早餐後導遊哥哥還在行程中提及, 今次地震在沖繩人嚟講, 只是家常便飯, 當地人發覺震完啦又可以再瞓過! 但對我哋嚟講呢個經驗係好刺激, 會畢生難忘!

好! 講返第三日行程,

第一站, 行程去玉泉洞, 呢個洞係由鐘乳石用咗30萬年而成的鐘乳洞, 裡面一點一滴的珊瑚礁塑造出萬多枝壯麗的鐘乳石和石柱的地質藝術, 玉泉洞長達 5 公里全程以梯級向下行, 媽媽可以行完全程, 真係要比個叻佢! 

 

我哋重發現原來有1500年鹿的遺骨, 你哋睇下搵唔搵到!

呢道除咗有鐘乳洞之外, 還有一些沖繩的民族表演-大鼓舞. 呢個大鼓舞以一班女仔為主要鼓手, 佢哋已經練到好大隻, 我覺得佢比男生還大隻. 但係又唔可以影相, 所以無得比大家睇! 

第二站, 泡盛酒廠, 係當地好有名的釀酒廠, 我哋重有酒試飲, 啲酒好勁呢!

呢間就係釀酒庫

呢個係釀酒筒, 有成間倉庫咁高!  

呢間酒廠大部份的酒瓶係用土瓷做的, 我哋都可以參觀到師傅即席製造出來!

第三站, 呢個基本上都唔係一個我哋旅遊的影點之一, 樹屋, 因為我哋的行程時常經過, 所以導遊專程去到呢間樹屋比我哋影下相. Yeah!!

第四站, 國際通購物街, 又可以買買買, 今次我哋係買食的, 嘻! ! 重要出動到奶茶仔幫我裝戰利品回酒店!

買完戰利品之後就去食網燒, 今食我哋又加料, 就係和牛, 大虎蝦和帶子

食完飯之後正準備回程酒店, 有一段小插曲, 行經一打機舖, 看見一隻小狗被縛在門口, 小狗一面無奈的樣子, 好似在問, 主人呀! 主人呀! 你打完機未呀! 但當小狗發現我哋在注意佢和影佢時, 牠就怕羞地躲避在廣告牌後面, 直至我哋走開, 又出來再看着主人.  我覺得佢好慘, 但又好乖! 希望佢係一隻幸福的狗, 希望佢主人係好O錫佢啦!

待續...!